Тіс дәрігерінде
1-бала:
2-бала:
Ана: Сәлеметсіз бе!
Тіс дәрігері: Сәлеметсіз бе!
Ана: Менің баламның тісі ауырып шықты, қарап жіберіңізші.
Тіс дәрігері: Қане, аузыңды аш. Тісіңді құрт жепті, жұлу керек. Тіс ауырмау үшін екі мезгіл таза-лау керек, тәттіні көп жеуге болмайды. Тісіңді жұлдық. Енді екі сағат тамақ жеме.
Ана: Рақмет, сау болыңыз.
Педагог: Балалар, бүгін ойынды жақсы ойнадыңдар, рақмет. Олай болса, кім дәрігерлер туралы тақпақ біледі.
- Ақ халатты киемін, Аппақ болып жүремін. Аппақ болып жүргенді, Өзім қатты сүйемін.
- Іш ауырса, тіс ауырса, Маман дәрі береді. Барлық бала, барлық ана Оны жақсы көреді.
АЛДАРКӨСЕ МЕН БАЙ
(ертегіден көрініс)
Әуендетіп Алдаркөсе шығады.
Автор: Қыстың бір қақаған күнінде Алдар жаурап тұрған байға кезігеді. Алдар: О, байеке, мына қалың, әдемі шапаннан қалай ғана жаурап тұрсың?
Бай: Е, сен мына жыртық шапаннан қақаған, ызғарлы қыстың күнінде қалай ғана жаурамай тұрсың? Алдар: О, байеке, менің мына шапаным жай шапан емес, сиқырлы. Суық мына жыртықтан кірсе,
мына жағынан шығып кетеді, жылу мына шапанда қалады.
Бай: Олай болса, кел, екеуміз шапанымызды айырбастайық. Алдар: Сенен немді аяйын, кел, айырбастайық.
Автор: Сөйтіп, Алдар байдың жылы шапанын алдап киіп кетеді.
Бай: Мына сиқырлы шапанның еш жылуы жоқ қой. Қап, мына қу Алдар мені тағы да алдап кетті-ау.