Күні :
Пәні : сауат ашу
С ыныбы : 1 в
Сабақтың тақырыбы: І дыбысы мен әрпі.
Сабақтың мақсаты.:
а) І дыбысы мен әрпін таныту,ол арқылы берілген сөздерді оқу мен жазуды үйрету.
ә) І дыбысы қатысты жаңа сөздерді білдіру арқылы оқушылардың ой-өрісін,тілін дамыту.
б) Бірігіп жұмыс істеуге,бірінің пікірін бір зер салып тыңдауға, табиғатты сүюге,оларды қорғауға, қамқорлық жасауға тәрбиелеу.
Сабақтың түрі: Жаңа сабақ
Сабақтың әдісі: Түсіндіру,ой-қозғау,сұрақ-жауап,топ,жұппен жұмыс
Сабақтың көрнекілігі: суреттер, плакат, қима қағаздар.
Сабақтың барысы:
І. Ұйымдастыру кезеңі:
- Сәлеметсіңдер ме, балалар!
- Қане, бәріміз орнымыздан тұрып, менен кейін қайталаңдар.
Біз,біз біргеміз
Сөгілмесін іргеміз.
Ізденсек бірге бәріміз,
Білім шыңына жетерміз.
ІІ.Суретпен жұмыс :
Тақтада суреттердің артына жазылған сөздер тұрады, осы сөзді дұрыс оқыған соң суретті тақтадағы плакатта орналастырамыз.
|
Суреттер |
Сөздер |
|
Түлкі |
Кісі |
|
Кірпі |
Білім |
|
Ін |
Кітап |
|
Ағаш |
Кілт |
|
Дің |
Тіс |
|
Із |
Тіл |
Сөздерді оқып, суреттерді орналастырып болғанда, кітаптың 81 беттегі сурет пайда болады.
Тақтадағы суретпен жұмыс :
- Суреттен не көріп тұрсыңдар?
- Мұнда неше аң бар?
- Қандай аңдар көріп тұрсыңдар?
- Түлкі қандай аң? Кірпі қандай аң?
- Суретте ін нешеу?
- Ағаш нешеу?
- Ағаш қандай?
- Кірпінің қолында не бар?
- Жерден не байқадыңдар?
ІІІ. «Ін» мәтінімен жұмыс :
Мәтінді мұғалім сөйлемдерге бөліп оқиды. Оқып болғаннан кейін, оқушыларға мәтін бойынша сұрақтар қойылады.
- Мәтін қалай аталады?
- Аңдар қайда мекендейді?
- Қоректерін қайда сақтайды?
- Індерін не істейді?
- Індерді тағы нелер пайдаланады?
- Қандай аңдар қыста інінде ұйықтайды?
- Кейбір құстар қайда жұмыртқалайды?
- Борсық пен суыр қандай аң?(Тақтаға борсық пен суырдың суретін ілу)
Мәтіндегі і дыбысы бар сөздерге түсіндірмелік жұмыс:
- Ін – аңдардың мекендейтін жері.
- Дің – ағаштың тік орналасқан негізгі бөлігі.
- Кейбір – барлығы емес, таңдамалы. Мысалы, кейбір оқушылар.
- Кейін – ретті білдіреді. Мысалы, Айжаннан кейін.
ІV. Хормен жұмыс :
Кітаптың 82 бетіндегі сөздерді хормен оқу:
Ешкі, ескі, елік, етік, кілем, ілмек, білек, жібек, желім, жеңіл, ірі, іні, тіс, тік, ін, іс, ірімшік, кекілік.
І әріпінің сөздің қай тұсында кездесіп тұрғанын сұрау;
- Сергіту сәті.
Видеоматериялға қарап, жаттығуды қайталау;
VІ . Қима қағаздармен жұмыс:
Тақтада берілген сөздердегі түсіп қалған әріпті тауып, орнына қою.
Қалған оқушылар орындарында фишкамен жұмыс жасайды.
VІІ. Жаңа сөздерді түсіндіру :
Кітап – оқу құрал. Кітаптардың әр түрі болады.
Ерлік – батырлық көрсету. Ерлік көрсеткен батырлар жайлы атап өту.
- Өте жақсы,енді сол сөздердің астына кітап, ерлік сөздерін жазып, дыбыстық талдау жасай қойыңыздар. (2-3 балаға оқыту)
VІІІ. Жұптық жұмыс :
Кім, не істеді сұрақтарына берілген диалогты хормен оқиды, қандай сұрағына байланысты әр оқушы өз парталасымен диалог құрайды.
ІХ. Қорытынды :
- Қандай мәтінмен таныстық?
- Ін не үшін керек екен?
- Мәтін неше сөйлемнен құралған?
- І – дыбысы қандай дыбыс?
- Мысалдар келтірейік.
Х . Бағалау.
ХІ. Үйге:
«Ін» мәтінін оқу,мазмұнын айту. Кім? Не істеді? Қандай? Сұрақтарына жауап беру.
- Бүгінгі көңіл күйіміз қандай болды? (көтеріңкі)
Күлімдеп күн бүгін қарады маған да,
Күлімдеп күн бүгін қарады саған да,
Шуақпен нұр төгіп,
Көңілді кетті көтеріп.
- Рахмет, балалар, сау болыңдар.
Мұғалім қолы :
Әдіскер қолы :