Көкшетау қаласы №19 Орта мектебі
1-деңгейдегі, жоғары санатты
Бастауыш сынып мұғалімі
Пәні: Әліппе 1 –сынып
Сабақтың тақырыбы: Е- дыбысы мен әрпі
Сабақтың мақсаттары:
1.Б.М. Оқушыларды Е-дыбысының жазба, баспа түрімен таныстыру. Дыбысталу ерекшелігін, дұрыс оқып, дұрыс жазуға үйрету.
- Д.М. Оқушылардың ой-өрісін, тіл байлығын, тапқырлық қасиетін, шапшаң ойлау машығын дамыту.
- Т.М. Сауатты боуға, сыпайы болуға, табиғатты қорғауға тәрбиелеу.
Әдісі: Сын тұрғысынан ойлау, В.Зайцев тенологияларының элементтері.
Көрнекті құралдар: Әріп, буын кеспелері, Плакат, елік, емен, етік, егін,есек, терезе, есік т.с.с суреттер.
Сабақтың барысы:
- Ұйымдастыру кезеңі. .
-Балара бізге бүгін қонақтар келді, олар өздеріңнің қалай оқитындарыңды, жаза білетіндеріңді өз көздерімен көруге келді. Ендеше қонақтарға қарап жымиып күлеміз де түзеліп отырып сабағымызға кірісеміз.
* Кел, балалар күлейік!
Топ болып
Жақсы тілек тілейік!
* Бүгінгі сабағымызға сәттілік тілейміз,
* Сабақты өте жақсы оқиық.
* Ұйымшылдық пен татулық тілейміз!
*Бір-бірімізді сыйлаймыз!
Айтқанын тыңдаймыз!
- Өткен сабақтағы 20-әріптерді қайталау.
-Балалар, терезеге көз салайық бізде қазір қай мезгіл?
-Қазір күз мезгілі
-Күз мезгілінде қандай өзгерістер болады?
-Күн суытады, ағаштардың жапырағы сарғаяды.
-Қандай ағаштың түрлерін білесіңдер?
-Қайың, емен, шырша, қарағай.
-Ең мықты, қатты ағаш емен ағашы екен. ол 80-200 жыл өмір сүреді. Биіктігі 40-50 метрге жетеді екен. еменнен жиһаздар, кемелер, вагондар жасалады. Емен қабығының дәрілік қасиеті бар екен. Қала көшелеріне емен ағаштары көптеп отырғызылады.
Ендеше бүгін емен ағашы бізде қонақта.
-Ендеше ең мықты ағаш еменнің түбінен мен бір сандық тауып алдым.
-Барлығымыз хормен «Ақ сандығым ашылшы, ішінен біз білетін әріп шашылшы!»-делік.
Әріп кеспелерін ашу. Дауысты, дауыссыз екенін айту.
- Тақтаға таныс әріптерден келетін сөздер айту және жазу.
/Бір бала тақтаға , қалған оқушылар ілесіп жазып отырады./
- Жаңа сабақ. Сонымен бізге қандай ағаш қонаққа келді?
-Е-мен . 1-буыны қандай? /е-ашық буын/
-Ендеше біз бүгін қай дыбыспен танысамыз /Ее/
-егер өзі жалғыз, жеке тұрып буын құрай берсе, ол қандай дыбыс? / дауысты дыбыс/
5.Дыбысталуы.
-Қане Е-дыбысын айтып көрейікші. /Ее/
-Сендерге қалай естіліп тұр? /жіңішке , дауысты дыбыс/
-Дауысты Е-дыбысын айтқанда ауыз, тіс, ашық болады да, тілдің алдыңғы екі шеті, астыңғы тістердің түбіне тиіп, тілдің ортасы жоғары көтеріледі. Дауыс шымылдығы ашық болады.
- Плакатпе жұмыс.
Жазба ,баспа түрімен таныстыру.
-Е-дыбысы кездесетін сөздерді айтайықшы. Е-дыбысы сөздің барлық буынында кездеседі. Мысалы: Еден, Елік, Егінші, Етік. т.с.с
7.Оқулықпен жұмыс. Қанекей барлығымыз оқулықтан Е-дыбысын табайық.
Мынау не? Ер ат әбзелдері. Ер ағаштан жасалады. Атқа отырғанда ерттеп салады. Мынау не?
-Елік. Е-Еліктің лағы, екі үлкен құлағы елеңдеп тұрады! Буындайық Е-лік
- Оқулықты өзім оқып беремін.
-хормен оқу
-іліп алып оқу
Емен мәтінін оқу
- Сөздік жұмыс.
Жер. Е-дыбысы қай жерде айтылып тұр. /сөз ортасынды/
Туған жер, жер ана, туып -өскен жер, жерді неге анаға теңейміз?
Себебі жер анадан түрлі қазба байлықтарын аламыз.
Өзімізге қажетті заттарды өндіреміз, өсіреміз. Ол бізді туған анамыздай асырайды. Ендеше: «Қоршаған табиғатты сүй, Жерге түкірме! Ол сенің денсаулығың! »,-деген екен.
- Неше? Нешеу? сұрақтарымен жұмыс
-Енді мына сұрақтарға көңіл бөлейік.
Неше елік? Елік нешеу? Бір елік, Елік біреу,екі елік-елік екеу, үш елік-елік үшеу, бұл жеті санына дейін қойылады.Сегіз елік- Сегізеу деуге болмайды.
- Сергіту сәті.
Қол моторикасына арналған.
-Дың-дың қоңыраумын,
Дың-дың соғыламын,
Қағыламын, соғыламын,
Мектептен табыламын!
Қаңқыл,қаңқыл қаздарым,
Қаздаң, қаздаң басады!
Кеме суда жүзгенде кемеріне су келеді.
- Дәптермен жұмыс.
-Е-әріпінің элементтерімен таныстыру.
-Аралық жолдың ортасынан бастап, жоғары көтеріп, сол жақты жарты құрсау, жазу жолына келген соң, тағы да жолға қарай жарты құрса саламыз.
-кіші е-дыбысының элементі де бір бөліктен тұрады.
-Жазу жолының ортасынан бастап, жоғары жағы ілмектелген, сол жақты жарты құрсау.-ауада жазу.
-Дәптерге толтырып жазу.
Дәптер астындағы тапсырманы көрсету.
Балалар, мына жұмбақтарды Жұмбақбай атай беріп жіберіпті. Шешейікші.
Жұмбақ.
Ат әбзелі /Ер/
Ең жаман баға /Екі/
Жаңғақ жемісі бар ағаш/Емен/
Ендеше бізбүгін қандай дыбыспен таныстық және қандай әріпті жазып үйрендік! /Ее/
- Үйге тапсырма.
Сабақ аяқталды. Рахмет!
